Летнік рамёстваў у Моталі
У нядзелю аграгарадок Моталь прымаў шматлікіх гасцей свята “Летнік рамёстваў”.
У мерапрыемстве прынялі ўдзел больш за тры дзясятка рамеснікаў з Іванаўскага раёна і іншых куткоў Брэстчыны. Тут былі прадстаўлены вырабы з гліны, металу, дрэва, саломы, ільну, кашы, ручнікі, дываны, посуд, вопратка, карціны і малюнкі на любы густ, цацкі, пацеркі і шмат чаго яшчэ. Цікавую тэматычную праграму для прысутных падрыхтавалі фальклорныя калектывы Іванаўшчыны, а таксама народны ансамбль “Вечарніцы” з Ляхавіцкага раёна. Усе удзельнікі летніка атрымалі дыпломы і падарункі ад аддзела культуры Іванаўскага райвыканкама.
\
Валерый Міхальчук.
Фота аўтара.
Добавить комментарий