Свята першага званка ў гарадской чацвёртай школе
Сённяшні восеньскі ранак стаў асаблівым для ўсіх вучняў.
Дзеці, за лета пасталеўшыя, прыгожыя, вясёлыя, з кветкамі, поруч з бацькамі, накіроўваліся ў школы, да крыніцы ведаў.
Чацвёртая школа горада Іванава расчыніла дзверы для 820 вучняў, і школьная сям’я ўстановы адукацыі папоўнілася 72 першакласнікамі.
Цеплыя віншаванні і найлепшыя пажаданні ў адрас вучняў, педагогаў і іх бацькоў выказалі дырэктар школы Яўгеній Васільевіч Стасюк, старшыня раённага Савета дэпутатаў Рыгор Максімавіч Сыса, кіраўнікі арганізацый, прадстаўнікі сілавых структур і дэпутатскага корпуса.
Як адзначыў Рыгор Максімавіч, звяртаючыся да прысутных, Дзень ведаў святкуецца ва ўсіх ўстановах адукацыі краіны – і гэта не проста традыцыя, а праяўленне адзінства і стабільнасці нашай дзяржавы і грамадства, якімі трэба даражыць.
Подчас урачыстай лінейкі ўзнагароды атрымалі юныя таленавітыя спартсмены. А выпускнікам ваенна-патрыятычнага клуба “Янаўцы” былі ўручаны пасведчанні аб дадатковай адукацыі дзяцей і моладзі павышанага ўзроўню навучання ў вобласці падрыхтоўкі да ваеннай службы.
Пасля ўрачыстай лінейкі школьны званок паклікаў вучняў у родныя классы.
Старт новаму навучальнаму году дадзены!
