Чытаем Шамякіна разам
У межах рэалізацыі агульнарэспубліканскага праекта «Кожная пятніца – роднае, сваё!» у сельскай бібліятэцы аг. Тышкавічы стартавала акцыя «Чытай па-беларуску!». Праводзіцца яна з мэтай папулярызацыі кніг айчынных аўтараў.
– Сумесна са школьнай бібліятэкай, настаўнікамі і вучнямі мясцовай школы арганізаваны Дзень роднай мовы і літаратуры, – расказала бібліятэкар Іна Данілевіч. – Прысутныя бліжэй пазнаёміліся з творчасцю народнага пісьменніка Беларусі, грамадскага дзеяча, Героя Cацыялістычнай Працы – Івана Пятровіча Шамякіна, 105-годдзе якога адзначаецца 30 студзеня.
У бібліятэцы аб’яўлены фота-чэлендж «Чытаем Шамякіна разам».
Ірына Саломка.