Пяты год запар іванаўская культура прызнаецца лепшай на Брэстчыне
Нядаўна ў Белаазёрскім Доме культуры прайшла калегія ўпраўлення культуры Брэсцкага аблвыканкама. На мерапрыемстве былі падведзены вынікі работы галіны за мінулы год і вызначаны задачы на 2026 год.
У рамках пасяджэння таксама адбылося ўшанаванне найлепшых устаноў культуры вобласці. Асабліва прыемна, што сярод узнагароджаных былі і іванаўцы. Галоўная ўзнагарода – Дыплом пераможцы абласнога спаборніцтва – прысуджана аддзелу культуры Іванаўскага райвыканкама. Дарэчы, статус лепшга ў вобласці ён атрымлівае ўжо пяты раз запар.
За шматгадовую плённую дзейнасць па развіцці і папулярызацыі нацыянальнай культуры Міністэрствам культуры Рэспублікі Беларусь адзначаны Іванаўскі раённы цэнтр культуры і народных традыцый. Ганаровую грамату атрымала дырэктар установы Ганна Мікалаеўна Сідаровіч.
Таксама за шматгадовую добрасумленную працу, значны асабісты ўклад у адраджэнне і захаванне рэгіянальных традыцый бандарнага рамяства, актыўны ўдзел у раённых, абласных і рэспубліканскіх акцыях Падзячным лістом Брэсцкага абласнога Савета дэпутатаў узнагароджана дырэктар Іванаўскай дзіцячай школы мастацтваў народнай дэкаратыўна-прыкладной творчасці Наталля Міхайлаўна Гацэвіч.
Віншуем з заслужанай узнагародай!
Валерый Міхальчук.