Вечарына “Родная мелодыя” адбылася ў СДК аг. Тышкавічы
Мерапрыемства, якое ладзілася ў рамках раённага творчага праекта “Крышталь душы у песень пералівах”, прысвечанага Тыдню роднай мовы, сабрала аматараў беларускай песні.
Выканаўцы ўзгадвалі, як у іх сэрца прыйшла мелодыя на айчыннай мове, апавядалі пра любімыя творы і, канечне ж, спявалі. Спявалі ўзрушана, узнёсла, зараджаючы адпаведнымі пачуццямі слухачоў. Надзвычай задушэўна, хораша вёў праграму Уладзімір Фалітарык, загадчык метадычнага аддзела Іванаўскага раённага Цэнтра культуры і народных традыцый. Беларускае меладычнае слова цешыла, як лагодныя промні сонечныя, як ласкавыя рукі матчыны.
Ірына Саломка.